युनेस्को व लंडनस्थित वार्की फाउंडेशन यांच्या संयुक्त विद्यमाने दिला जाणारा ग्लोबल टीचर प्राईझ नुकताच जाहीर झाला.
सोलापूर जिल्हा परिषदेतील शिक्षक रणजितसिंह डिसले यांना 7 कोटी रुपयांचा ग्लोबल टीचर पुरस्कार नुकताच जाहीर असून तो जगातील सर्वोत्तम शिक्षक ठरल्याने त्यांचे सर्वत्र अभिनंदन केले जात आहे.
सोलापूर च्या परितेवाडी जिल्हा परिषद शाळेतील शिक्षक रणजितसिंह डिसले यांना हा पुरस्कार जाहीर झाल्याने असा पुरस्कार मिळणारे ते पहिलेच भारतीय शिक्षक ठरले आहेत. व भारताला पहिल्यांदाच हा सन्मान प्राप्त झाला आहे.
लंडन मधील नॅचरल हिस्ट्री म्युझियम मध्ये झालेल्या समारंभात सुप्रसिद्ध अभिनेते स्टीफन फ्राय यांनी याची अधिकृत घोषणा केली.
या पुरस्कारासाठी जगभरातील 140 देशांतील 12 हजार हुन शिक्षकांचे नामांकन आले होते.त्यातून अंतिम विजेता म्हणून डिसले यांची निवड करण्यात आली आहे.
QR कोडेड पुस्तकांच्या माध्यमातून महाराष्ट्रचं नव्हे तर देशातील शिक्षण क्षेत्रांत अभिनवं क्रांती केलेल्या कामाची दखल घेत त्यांना हा पुरस्कार जाहीर झाला आहे.
पुरस्काराच्या एकूण रक्कमे पैकी 50 टक्के रक्कम अंतिम फेरीतील 9 शिक्षकांना देण्याचे रणजीतसिंह डिसले यांनी जाहीर केले आहे.