पुणे MNK - लोणावळा ग्रामीण पोलीस स्टेशनच्या हद्दीतील वेहेरगाव येथे सुरू असलेल्या जुगार अड्ड्यावर पुणे ग्रामीण पोलिसांनी छापा टाकत मोठी कारवाई केली. पुणे ग्रामीण पोलीस दलाच्या “संकल्प नशामुक्ती अभियान” अंतर्गत सहायक पोलीस अधीक्षक श्री. सत्यसाई कार्तिक यांनी मिळालेल्या गोपनीय माहितीनुसार दिनांक ३१ जानेवारी २०२५ रोजी संध्याकाळी ही कारवाई केली.
वेहेरगाव येथे संतोष बोत्रे यांच्या पडीक जमिनीत झाडाखाली काही इसम कल्याण मटका नावाचा जुगार खेळत असल्याची माहिती मिळाल्यानंतर सहा. पोलीस अधीक्षक श्री. सत्यसाई कार्तिक यांच्या मार्गदर्शनाखाली पोलिसांनी पंचासमवेत छापा टाकला. यावेळी जुगार खेळताना आणि खेळवताना १० जणांना रंगेहाथ पकडण्यात आले.
अटक आरोपींची नावे अशी
1. गोरख रघूनाथ मोहीते (वय 65, रा. टाकवे खुर्द, ता. मावळ)
2. सुनिल आप्पा बंडगर (वय 30, रा. न्हेगाव, ता. हवेली, जि. पुणे, मूळ रा. काश्टी, ता. लोहारा, जि. उस्मानाबाद
3. धोंडू दत्तू बोरकर (वय 52, रा. वेहेरगाव, ता. मावळ)
4. विश्वनाथ संभाजी गायकवाड (वय 44, रा. टाकवे खुर्द, ता. मावळ)
5. गजानन किसन पारधी (वय 52, रा. भाजे, ता. मावळ)
6. सचीन गणेश तिकोणे (वय 41, रा. पाटण, ता. मावळ)
7. मधूकर केशव बगाडे (वय 72, रा. मळवली, कामशेत, ता. मावळ)
8. विलास भागुजी देशमुख (वय 42, रा. वेहेरगाव, ता. मावळ)
9. संदीप शांताराम कौदरे (वय 36, रा. वाकसई, ता. मावळ)
10. चंद्रकांत देवकर (रा. वेहेरगाव, ता. मावळ)
यावेळी पोलिसांनी १,६४,७००/- रुपये किमतीचा मुद्देमाल जप्त केला, ज्यामध्ये रोख रक्कम, जुगाराचे साहित्य, मोटारसायकल, पावती पुस्तके आणि मोबाईल फोनचा समावेश आहे.
या प्रकरणी लोणावळा ग्रामीण पोलीस स्टेशनमध्ये मुंबई जुगार कायदा कलम १२(अ) अन्वये गुन्हा दाखल करण्यात आला असून पुढील तपास सुरू आहे.
ही कारवाई पुणे ग्रामीण पोलीस अधीक्षक श्री. पंकज देशमुख आणि अपर पोलीस अधीक्षक श्री. रमेश चोपडे यांच्या मार्गदर्शनाखाली सहायक पोलीस अधीक्षक श्री. सत्यसाई कार्तिक यांनी त्यांच्या पथकातील पोहवा नितेश (बंटी) कवडे, अंकुश नायकुडे, दत्ता शिंदे आणि अंकुश पवार यांच्या सहकार्याने केली.
— लोणावळा ग्रामीण पोलीस